Rumah Banjar batawing papan
Lawangnya bapalang watun
Assalamulaikum kami ucapkan
Handak bamula marangkai pantun
Anak punai maurak alar
Bajalan bajingkit-jingkit
Umai-umai pangéntén Banjar
Basésérétan tangan bakait
Maracik pandan wan pudak
Lalu dihambur kapatataian
Urang malihat badaraw surak
Pangénténnya kasisipuan
Burung bilatuk duduk baréndéng
Baréndéng di kayu jati
Pangénténnya duduk basanding
Rupa bungas baik budi
Makan mangga buah kesturi
Maméncok asam balahan
Baik-baik mambawa diri
Hidup baiman mati baiman
Setanggi bunga kenanga
Harum baunya di tanah Banjar
Barupa bungas apalah artinya
Adat pusaka mun dilanggar
Baunya harum kambang melati
Kambang bogam kambang untaian
Sembah sujud sapuluh jari
Doa restu ulun harapkan
Ayu ja Ding lakasi luruh kalambu
Imbahitu bujurakan buncu-buncunya
Apik-apik Dinglah mamacul baju
( ai napa garang Ka. Badidiam ja Dingai )
Kéna supan katahuan abah wan uma
Daun si daun dadap
Gugurnya ka atas watun
Ada salah ampun maap
Sampai disini untaian pantun
Pantun ini kubacakan pada acara Perkawinan adik Bupati Kab.Banjar
Di gedung Pangeran Suriansyah Banjarmasin, l Feb 2009.
6 komentar:
punya koleksi pantun banjar pak? boleh ikut nyalin buat dokumen
wah....mantaaabbb... pantunnya pa'ai..
di kota kami, Bang, (kota Negara, Bali), ada dua kampung Melayu - Bugis bernama Loloan Timur dan Loloan Barat. hingga sekarang di sana masih ada tradisi berpantun di saat-saat upacara tertentu. menyenangkan sekali!
Selamat siang, Abah.
Pantunnya bagus. Tapi Bahasa Banjar itu mirip Bahasa Pontianak ya Bah...??? Karena suami Maria asalnya dari Pontianak.
Sehat2 terus ya Bah...
ulun suka pantunnya abah.
Mantab Banar.....
Posting Komentar